مازِن شَب مِن عَمّان. هو طالِب جامعَه و بيشْتَغِل شويّة بَعِد الدَوام. روتينُه اليومي بَسيط كالعاده

كُل يوم، مازِن بيصحَى السّاعة ٧ الصُبِح. أوَّل شي بيغْسِل وِجْهُه و بيجَهِّز فْطور صغير عالسَّريع : عادَةً بيكون خُبِز، جِبْنِة، زيت و زَعتَر و شاي. بَعِد الفْطور، بيغْسِل أسْنانُه و بيجَهِّز شَنْطِتُه لَلجامعَة.

السّاعة ٨، بيطلَع مِن البيت و بياخُد تَكسي للجامعَة. الطَريق بياخُد حَوالي نُص ساعة حَسَب الازمه.

بالجامعة، بيحضَر مُحاضَراتُه لَحَدّ السّاعة ١٢ الضُهُر. خِلال المُحاضَرات بيُكْتُب مُلاحَظات بَسيطه، و بَعِد المُحاضرة احياناً بيقْعُد مَع أصحابُه يشرب قهوه بالكافيتيريا أو بياكل اكِل خَفيف.

بَعِد الجامعة، بيطلع على شُغلُه مِن السّاعة ١ للسّاعة ٤ العَصِر. الشُغُل عادَةً بيكون في مَكْتَب صغير، بِشْتَغِل على الكُمبيوتر و يرَتِّب مَلَفات و يرُدّ على إيميلات و هيك يعني.

بعد الشغل، بيرجع على البيت بالتكسي أو بالمُوَاصلات . و في البيت بياخُد إسْتِراحه قَصيرة نُص ساعة، و بَعديها بيحضّر واجِبات الجامعة أو يحَضِّر لَمُقابَلات أو مَشاريع.

باللّيل، السّاعة ٧ المَسا، مازِن بِتْعَشّى مَع أهلُه . بَعِد العَشا، أحياناً بيطلَع يتْمَشَّى شوي حوالين البيت أو يشوف صاحبُه . الساعة ١٠ ، بيجَهِّز حالُه للنوم و يخلّي كل أغراضُه جاهزة لليوم التاني.

هيك بيكون يوم مازن، بَسيط و مُنَظَّم، كُل يوم تَقْريباً نَفس الروتين.