جيوفاني : مَرحبا! أنا إسْمي جيو. شو إسْمَك؟

محمود: أهلاً و سَهلاً! أنا مَحمود. فُرصَه سَعيدِه

جيوفاني : تَشَرَّفنا . مِن وين إنت؟ و قَدّيش عُمرَك ؟

محمود: أنا مِن الأُردُن و عُمري ٢٦ سَنِه … وإنت مِن وين؟

جيوفاني: أنا مِن إيطاليا… بَس ساكِن في عمّان مِن شَهرين تَقريباً.

محمود: أهلاً وسهلاً فيك! شو عَم تِعْمَل في عَمّان ؟

جيوفاني : عَم بَتْعَلَّم عَرَبي

محمود : ليش عَم تِتْعَلَّم عَرَبي؟

جيوفاني: بَشْتَغِل بِشِركِة مَع ناس مِن الأُردُن و فَلَسطين… و بِدّي أفْهَم وأحْكي أحْسَن.

محمود: مُمتاز… كيف شايف اللُّغة؟ صَعبِة وِلاّ سَهلِة؟

جيوفاني : شوي صَعبِة… بَس حِلْوِة

محمود: عادي… مَع الوَقِت بِتْصير أسْهَل. بِدَّك أي مُساعَدِة إحكيلي

جيوفاني : شُكراً كتير… رَح أحْكيلَك إزا بِدّي مُساعَدِه اكيد

محمود: وَلا يْهِمَّك. وين ساكِن هَسّا؟

جيوفاني : ساكِن بِـ شميساني.

محمود: قَريب مِن هون… إذا بدّك نْروح نِشْرَب قَهوة مَع الشباب.

جيوفاني : فِكْرَة منيحة! ليش لأ؟

محمود: تَمام… خَلّينا ناخُد تَكسي و نروح.