أَنا وَ تَلاتة مِن أَصْحابي قَرَّرْنا نِطْلَع مِشْوار سَوا مِن بَعْد فَتْرَة طَويلة ما شُفْنا بَعْض. كُلّ واحِد فينا كان مَشْغول، واحِد بِالشُّغُل، واحِد بِالدِّراسَة، و واحَد دايِمًا مْسافِر. أَخِيرًا لَقينا يَوم فاضي و مُناسِب إلنا. إتَّفَقْنا نِلْتِقي بَعْد الضُّهُر.

تْواعَدْنا قُدّام كُشُك قَهْوَة. وصِلْت أَنا أَوَّل واحَد، و بَعْد شُوَيّ إِجا صاحِبي الثّاني، و قَعَدْنا نِسْتَنّى الثّالِث. تَأَخَّر شُوَيّ، وَ لَمّا وِصِل ضِحِكْنا و حَكَيْنالُه إِنّو دايِمًا هيك، ما بِيجي عَالوَقِت. هُوَّ ضِحِك و قال إِنّو الشّارِع كان أَزْمِة.

قَعَدْنا بِالقَهْوَة، طَلَبْنا قَهْوَة و عَصِير، و بَلَّشْنا نِحْكي عَنْ أَخْبارِنا. واحِد حَكى عَنْ شُغْلُه الجْديد، والتّاني عَنْ خُطَطُه لِلسَّفَر، وأَنا حَكَيْت عَنْ شُغْلي و كيف الأَيّام بْتِمُرّ بِسُرْعَة. الوَقْت مَرّ وإِحْنا مِش حاسّين فيه.

بَعْدها قَرَّرْنا نِطْلَع نِتْمَشّى. مَشَيْنا بِالشّارِع، و دَخَلْنا أَكْتَر مِن مَحَلّ، و تْفَرَّجْنا عَالنّاس والسَّيّارات. الجَوّ كان لَطيف، لا بَرْد ولا شوب.

بَعْد ساعَة تَقْريبًا حَسّينا بِالجُوع. اقْتَرَح واحِد مِنّا نِروح عَلى مَطْعَم قَريب. دَخَلْنا المَطْعَم، قَعَدْنا عَالطّاوِلَة، و طَلَبْنا أَكْل بَسيط. وإِحْنا مْنِستَنّى الأَكْل، كَمَّلْنا حَكي عَنْ أَيّام المَدْرَسَة، و عَنْ المَواقِف اللّي صارَت مَعْنا زَمان، و عَن خُطَطْنا المُستقبليه.

إِجا الأَكْل وأَكَلْنا بِراحَتِنا. بَعْد ما خَلَّصْنا، طَلَبْنا الحِساب و دَفَعْنا. قَبِل ما نِطْلَع، إتَّفَقْنا إِنّو ما نِخَلّي الوَقْت يِمُرّ هيك مِن غَيْر ما نْشوف بَعْض.

طَلَعْنا مِن المَطْعَم، مَشَيْنا شُوَيّ، وبَعْدَين كُلّ واحِد راح بِطَريقُه. المِشْوار ما كان طَويل ولا مُكْلِف، بَس كان حِلو ومُريح، وحَسّينا إِنّو هالطَّلْعَة كانَت ضَرورِيّة بَعْد كُل هالفَتْرَة.

المُهِم قَضّينا وَقِت حِلو و إنْبَسَطنا