مِن زَمان ما رُحنا عَلى مَطْعَم نِتْعَشّى. عَشان كُنّا مَشغولين في الشُّغُل. بَس اليوم قَرَّرِت أعزِمها عَلى العَشا في مَطْعَم قَريب مِن بيتنا شوي

احمد : اليوم بِدّي اعْزِمِك نِتْعَشّى في مَطْعَم

فاطمه : حِلو ، واللَّه زَمان. بَس أي ساعَه ؟

احمَد : حَوالي السّاعه ٨ المَسا

فاطمه : تَمام. رَح أجَهِّز حالي قَبِل المَوعِد

احمد : حِلو. رَح ارِنّ عالمَطْعَم و احْجِز

رَنّ احمد عالمَطْعَم و حَكى :

احمد : مَرحَبا. لَو سَمَحْتي بِدّي احْجِز طاولِه

المطعم : اهلاً و سهلاً. اكيد طَبْعاً. كَم شَخص عَفواً ؟ و أي ساعَه بالزَّبط؟

احمد : إحنا شَخصين. و السّاعه ٨ بالزَّبط لَو سَمَحْتي

المطعم : اكيد. بِــتْــنَوّرونا

رُحنا على المَطْعَم و قَعَّدنا عالطاولِه ، و إجى الجَرسون :

الجرسون : اهلاً و سهلاً. كيفكُم اليوم ؟

احمد و فاطمه : الحَمْدُلِله شُكراً

الجرسون : شو بِتْحِبّوا تُطْلُبوا ؟

احمد : بِدّنا نُطلُب صَحنين شورَبَه. و صَحِن سَلَطَه (فَتّوش) و صَحِن بَطاطا و كَزا كَزا كَزا...

الجرسون : تَمام. بَعِد ٢٠ دَقيقه الأكِل بِكون جاهِز

بَعِد وَقِت. اكَلوا و خَلّصوا

احمد : مُمْكِن الفاتورَه / الحْساب لَو سَمَحِت. بِدّي ادْفَع

الجرسون : صَحتين. تْفَضَّل، الحْساب كامِل ١٥ دينار مَع الخَصِم

احمد : شُكراً إلكُم. تْفَضَّل

و خَلَّصنا عَشا و رُحنا عالبيت و كان يوم لَطيف.