رِحْلِة سارَة و لَيلى مِن العَقَبِة لَدَهَب.

سارة و لَيلَى هُمّ صاحبات مِن عَمّان و بِعْرَفوا بَعَض مِن زَمان. قَرَّروا يسافْروا عَلَى البَحَر لَعُطْلِة قَصيرَة ، بَس المَرَّة هاي ما رَح يسافْروا عَن طَريق الطَيَّارَة ، رَح يسافْروا عَن طَريق العَبّارَة مِن العَقَبِة. لَيلى و سارَة جَهَّزوا حالْهُم و حَضَّروا أغْراضْهُم و كُل إشي بِدْهُم إيّاه. قَبِل مَوعِد السَّفَر بِيومين ، سارة رَنَّت عَلَى شِرْكِة جِت في العَبْدَلي و سَألَتْهُم عَن مَوَاعيد الرِحْلات لَلْعَقَبِة ، و حَكولها مَوَاعيد الرِحْلات لَلْعَقَبِة. في أوَّل مَوعِد السّاعة ٧ الصُبِح و في السّاعَة ١٠ الصُبِح ، و في السّاعَة وَحْدِه الظُهُر ، و في السّاعة خَمْسِة المَسا ، و السَّاعَة سَبْعَة المَغْرِب.

سارة حَجْزَت مَوعِد لَشَخْصين في باص جِت مِن العَبْدَلي السّاعة ١٠ الصُبِح. بَعِد يومين سارة و لَيلَى صِحْيوا الصُبِح و راحوا عَلَى الشّارِع و أخَدوا تَكْسي و راحوا مَع بَعَض عَلَى مَكْتَب جِت في العَبْدَلي. دَخَلوا عَلى المَكْتَب و طَلَبوا مِن المُوَظَّفِة تَذْكَرتين و دَفَعوا سِعِر التَذْكَرة ١٠ دَنانير لَلْشَخص. بَعْدين رِكْبوا في الباص. والطَريق مِن عَمّان لَلْعَقَبِة مُدِّتُه مِن ٤ لـَ ٥ ساعات تَقْريبَاً، حَسَب الطَريق.المُهِم خِلال الطَريق أفْطَروا سَوا و أكَلوا شَغْلات خَفيفِة مُعَجَنات، عَصير، بَسْكوت. و حِضْروا فيلِم قَصير. و سِمْعوا شويِّة أغاني لَفَيروز طَبْعَاً. المُهِم بَعِد ٥ ساعات وِصْلواالعَقَبِة في وَسَط البَلَد. وأخَدوا تَكْسي و راحوا لَميناء العَقَبِة. مِشْوار التَكْسي مِن وَسَط البَلَد لَميناء العَقَبِة تَقْريبَاً عشر دَقايق يَعني دينارين أو ٣ دَنانير في التكسي, وِصْلوا عِند ميناء العقبة و دَخَلوا مِن الباب و شَيَّكوا عَلى أغْراضهُم و راحوا دَفَعوا غَرامِة ١٠ دَنانير و إسْتَنّوا شوي في الجَوَازات و الحَمدُ لِلّه ما كان في مَشاكِل و ما كانت مَلْيانِة ناس. فا إحنا مَحظوظين يعني. المُهِم العَبّاره مَوعِدها السّاعه ١٠ بالليل و بَعِد شوي ، تَقْريبَاً ساعة و نُص و إحنا بِنِسْتَنَّى إجت العبّارة و رُحنا عَليها و خَتَمنا جَوَازاتنا و حَطّينا اغراضنا و طْلِعنا على السَطِح و كان الجو كتير هادي و البَحَر بِجَنِّن و رايق.

المُهِم تْحَرَكَت العَبّاره من الميناء و مُدِّة الطريق تقريباً من ٣ لَــ ٤ ساعات و خلال هاد الو

ضقت تْعَرّفنا على ناس لَطيفين و عَزمونا على شاي. نِمْنا شوي تَقريباً ساعه و بعدين وْصِلنا الحمدلله على ميناء نويبع.رُحنا على الجوازات و خَتَمنا كمان مَرَّه و ما دَفَعنا ولا شي و خِلال هاد الوَقِت كان الشوفير “زين” بِسْتَنّى فينا برا. إسْتَقْبَلنا زين و حَطّينا اغراضنا بالسيّاره و تْحرَكنا. و مُدِّة الطريق كانت حوالي ساعه و بصراحه حَبّينا الطريق من نويبع لَدَهَب.

و لَمّا شَمّينا ريحة البَحَر عرِفنا إنُّه إحنا وْصِلنا دَهَب و بالنِسبه لإلي هو مكاني المُفَضَّل.