سارة: صَباح الخير عَمّو أبو عَلي

أبو عَلي : صَباح النور ، أهلاً و سَهْلاً. تْفَضَّلي

ساره : شُكراً. لَو سَمَحت بِدّي ساندويشْتين . و نُص دينار فَلافِل صغير مِش كبير. و كاستين شاي واحَد مَع سُكَّر والتاني بِدون.

أبو عَلي : مِن عيوني. شو بِدِّك عَليهُم ؟

ساره : بِدّي شَطَّه و حامِض و شوي سَلَطَه مَع طْحينِه. والسَاندويشِه التانيه نَفْس الإشي بَس بِدون سَلَطَه.

أبو علي : تَمام. تْفَضّلي ، جاهزين

ساره : كَم حْسابي ؟

أبو علي : حْسابِك دينار و نُص.

ساره : تْفَضَّل و يعطيك العافيه

أبو علي : اللَّه يعافيكي . صَحتين. مَع السَّلامِه

ساره : على قَلْبَك.