بَصْحى يوم الجُمعه الصُبِح بَكّير كتير و بَجَهِّز حالي عَشان بِدّي أروح على السّوق الشَعبي أشْتَري أغراض لَلبيت. مِشواري ساعة و شوي تقريباً.

بَطْلَع مِن بيتي، و بَقَرِّر أمشي بَدَل ما آخُد تَكسي عَشان الجَو حِلو

بوَصَل السّوق و كتير مَليان ناس. و بَروح على بَسطِة ابو عَلي عَشان أشْتَري خُضْرَه. و بَسأل ابو عَلي عَن السِعِر. بَجيب نُص كيلو بَنْدوره، و رُبِع كيلو بَصَل و كيلو بَطاطا و ضُمِّة نَعنَع و جَرجير و بَقدونِس. بعدين بَشتري حَبتين باتِنجان. و بَعدين بَروح على البَسطَه التانيه عِند محمود. بِبيع فَواكه. باخد كيس و بختار أكَمِّن حَبِة تُفّاح و كيلو موز و كَمان أشياء. بَخَلِّص و بَجيب كُل شي بِدّي إيّاه

بعدين باخُد تَكسي و بَرْجَع على البيت عَطول.