جوليا بِنِت أجْنِبية مِن بَلَد أوروبي صغير، كانَت تْدَوِّر مِن فَتْرَة عَلى شُغُل بَرّا بَلَدها، و حَبَّت تْجَرِّب تْعيش بَمَكان جديد، قَدَّمَت عَلى وَظيفة في مُنظَّمِة بَتَشتَغِل في مَجال التَعليم في عمّان.

المُهِم

بَعِد كَم مُقابلة أونلاين، بَعَتولها إيميل و حَكولها إنّها إنْقَبْلَت.

قَعْدَت تْرَتِّب أُمورها: و إسْتقالَت مِن شُغُلها القَديم، لَمَّت أغراضها المُهِمِّه و حجْزَت تَذكَرَة طَيَران لَعَمّان.

وِصْلَت عَلى مَطار عمّان بالليل.
خَلَّصَت إجْراءات الجَوازات، وأخْدَت شَنْطِتها، و طِلْعَت تاخُد تَكسي.
فَرجَت السّواق عِنْوان البيت مِن الموبايل، و حَكَتلُه : "لَو سَمَحِت، بِدّي أروح هون."

في الطَريق عالمَدينة،.
الشوفير سَأَلها بالإنجليزي : (مِن وين إنتي؟ ) و هي حاوَلَت تِحكي بالعربي : "أنا مِن أوروبا… أوَّل مَرَّة في الأردُن و لِسّا ما بَحكي عَرَبي كوّيس”

أوَّل أُسبوع سَكْنَت في شَقَّة صغيرة مُشتركة مَع بِنِت بِتِشْتَغِل في نَفس المُنَظَّمِة.
المَنْطِقه هاديه، قَريبِه مِن الدُكّان و في مَخْبَز صْغير.

في أوَّل يوم شُغُل، راحَت عالمَكْتَب بالتكسي.
قابَلَت زُملائها و أغْلَبْهُم أُردُنيين، حَكوا مَعها بالإنجليزي و كَم كِلمة عَرَبي.
عرَّفوها عَلى المَكان، المَطْبَخ، غُرفة الإجتماع، و طَريقِة الشُغُل و هيك.

بَعِد كَم يوم، بَلَّشَت تِتْعَوَّد عالوَضِع .

كُل يوم الصُبِح كانَت تِمْشي شوي قَبِل الشُغُل بِساعة ، تِشْتَري قَهوِة مِن كُشُك عَلى الزاوية.

بَعِد شَهَر، صارَت تِعرَف كُل شي عَن المَدينه و صار عَنْدها اصحاب جداد، و عِندها اماكِن مُفضلِه. و في البِدايه كان صَعِب عَليها الوَضِع في مَدينه جديدِه و ناس جداد بَس تْعَوَّدَت على كُل شي ، و مَبْسوطَه في شُغُلها و مَع اصحابها وفي بيتها كَمان.