في يوم مِن الأيّام كان في أمير وَسيم و مو أي إشي بِعْجِبُه، المُهِم كان بِدَوِّر على أميرَة أحْلامُه إلّى بِدُّه يِتْجَوَّزها و يعيش معها في سعاده و هَنا ، بس هو كان بِدَوِّر على أميرة حَقيقيَّه بِكُل مَعْنى الكِلمه ، بَس وين بِدُّه يلاقي هاي الأميره ، صار يْدَوِّر عليها بِكُل مَكان في العالَم ، بَس ما لَقاها و كان كُل ما يشوف بِنت ينْتَقِدها دايماً، هاي ناصحه و هاي رقيقه و هاي طويله وهاي هبله وهيك .

مَرَّت الأيّام والشُهور على هاد الحال والأمير بِعيش لَحالُه وَحيد بَعِد ما فِشِل إنُّه يلاقي البنت إلّي بِحْلَم فيها و تِعْجِبُه ، بَس ضَلّ بِدُّه يِتْجَوَّز مِن أميرة أحْلامُه الحَقيقيّه ، و في ليله كان الجَو قي عًواصِف و شِتا كتير و فَجأه إنْدَقّ باب القَصِر و كانَت بِنت كتير حِلوه و كانوا أواعيها مَبْلوله و حَكَت البِنِت "أنا أميرة حَقيقيّه ، لَو سَمَحتوا إسمَحولي أدْخُل القَصِر لإنُّه الجَو شِتا و في عَواصِف و ما عِندي مَكان أتْخَبّى فيه بهاد البَرد ، إم الأمير وافَقَت إنُّه البِنِت تُدْخُل البيت و صارَت تراقِب البنت و حَركاتها و طريقة حكيها و شَكَّت إنها أميره حقيقيّه ، كان شَعَرها مَنْكوش و أواعيها مَمْزوعه و مَبْلوله و كُندَرِتها كتير وِسْخه مِن الطين ، وما بِتِلْبِس تاج مِتِل باقي الأميرات و صار كُل إلّي بالقًصِر بِهْمًسوا لَبَعَض مين بتفَكّثر حالها هاي البِنِت؟

أكيد هاي مِش أميره حَقيقيّه ، لإنُّه الأميرات الحَقيقيات ما بِكونوا مْبَهْدَلين مِتِل هاي الأميره . بَس المَلِكِه كان قَلْبها طَيِّب كتير و حَسَّت إنُّه هاي البِنِت بِحاجه إنّها تْنام في القَصِر، هاي الليله ،أمَرَت إنُّه يْحَضرول غُرفِه حِلْوِه كتير عَشان تْبات فيها الأميره

و سَمْحَتِلها إنُّه تاخُد أواعي نْضيفه و تْحَمَّمَت بِمَيّ دافيه ، بَس المَلِكِه قَرَّرَت إنُّه تِخْتِبِر هاي البِنِت عَشان تِتْأكَّد إزا هاي الأميره حَقيقيّه أو مُزَيّفِه

أمَرَت المَلِكه الخَدَم إنْهُم يْجَهّزوا لَلبِنِت تَخِت يْكون مِن عِشرين فَرْشِه فوق بَعَضْهُم و يْحُطّوا تَحْتهُم حَبِّة بازيلا